Миний цаг : Таашааж, тааруулж хэрэглээрэй шар айргийг...

Таашааж, тааруулж хэрэглээрэй шар айргийг...


16-р зуунд шар айргаар зарим төрлийн өвчнийг анагаадаг байж. Харин Европчууд 18-19-р зуунд эмийг усаар биш шар айргаар даруулж уудаг зуршилтай байсан нь аюулт холер өвчин тусахаас сэргийлсэн гэсэн яриа байдаг. Шар айраг нь натурал усан үзмийн дарсны адил микроб, вирус устгах чадвартай аж. Нэг сонирхолтой түүх сөхөхөд эмчийн зөвлөгөөгөөр Арнольд Шварценеггерын ээж нь хүүдээ бага зэрэг шар айраг уулгадаг байж. Үүний үр дүнд хүү нь өвдөх нь багасч, бадриун, өсгөлүүн бие бялдартай болсон гэдэг. Шар айрагнаас өөр ямар ч төрлийн ундаа бие организмаас илүүдэл хортой хөнгөн цагааны давсыг гадагшлуулж чаддаггүй байна. Хэрвээ усанд орохдоо ваннтай усандаа хагас литр шар айраг хийвэл хөлс их ялгарахаас сэргийлж чадна. Шар айрагны уураар биеэ утахад арьсанд тустай байдаг. Хөлбөмбөг, гольф тоглосны дараа шар айраг уух нь шингэнийг нөхөж, биед тустай хэмээн Испанийн эрдэмтэд нотолсон байна.

Шар айрагны нэг сөрөг нөлөө нь согтоох. Шар айраг ууснаар ходоодны шүүс ялгарах процесс эрчимжиж, бие организмд үйлчлэх алкоголийн нөлөөг нэмэгдүүлдэг. Шар айраг согтууруулах чанар бага, хийжүүлээгүй ч этилийн спиртийг тодорхой хэмжээгээр агуулдаг. Зарим хөөстэй ундааны согтууруулах чанар 10-14 хувьтай байдаг. Өөрөөр хэлбэл, лонх шар айраг уусан бол 50-100 гр архи уусантай адил юм. Өдөр бүр ходоод, гэдсээ исгэгч бодистой согтууруулах шингэнээр дүүргэх нь эдгээр эрхтний үйл ажиллагаанд нөлөөлөхгүй байхын аргагүй. Шар айраг салстад маш хүчтэй цочрол өгч хордуулна. Үүний сацуу хөөстэй ундааг байнга уухад ходоодны хананд байрладаг, ходоодны шүүс ялгаруулдаг булчирхайнууд эхлээд их шүүс ялгаруулж байгаад дараа нь хатингаршдаг. Үүнээс болж хоол боловсруулалт дутуу явагдаж, шингэлт нь удааширч, муудна эсвэл дутуу боловсруулсан чигээрээ гэдэс рүү орно. Ингээд өтгөн хатдаг болж, ходоод үрэвсэнэ. Дашрамд хэлэхэд, согтууруулах ундаанаас үүдсэн үрэвсэл биеийг ерөнхийд нь сульдааж, сэтгэл санаа өөдрөг бус болгож, ажиллах чадвар буурч, аманд төмөр амтагдаж, гашуун оргин, гэдэс өвдөж, аюулхайд хүнд оргино.

Стандарт уулт гэж юу вэ?

Халдварт бус өвчний эрсдэлт хүчин зүйлийн нэг болох архины хэрэглээний судалгаанд “Стандарт уулт” гэсэн ухагдахуун гарч ирсэн юм. Энэ нь этилийн спиртийн хэмжээг хялбар тооцох арга гэсэн үг юм.

· Нэг лааз шар айраг /330 мл, 4,5%/-ын этилийн спиртийн хэмжээ нь 10 гр

· Дарс, ликёр нэг хундага /100-120 мл, 12,5%/-ын этилийн спиртийн хэмжээ нь 10 гр

· Цагаан архи нэг хундага /50 мл, 40%/-ынх 10гр

· Нэрмэл архи нэг аяга /100 мл, 15%/ нь 10 гр гэх мэтээр этилийн спиртийн хэмжээг нэг стандарт уулт гэж тооцдог бөгөөд долоо хоногт эрэгтэй хүн таван стандарт, эмэгтэй нь дөрвөн стандарт архи болон согтууруулах ундаа уувал хэвийн хэмжээнээс хэт их гэж үздэг.


start=-47 , cViewSize=50 , cPageCount=1

3 сэтгэгдэл:

null
Saraachan

Сонирхолтой мэдээ байлаа баярлалаа. Гэтэл энд эрэгтэй нь 5, эмэгтэй нь 4 гэхийн энэнд хүйс тийм хамаатай байдийм байхдаа сонин юмаа тэ

Света

Өө тэгээл эр эм гээд бие физилоги алхакол хүлээж авах чадвар нь өөр өөр байдын гэсэн шд.

showtimer (зочин)

Tsagt 2 udurt 8 grushik pivo uuval minii standart

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)